മാരുതി വാഗൺ ആർ 2013-2022

പുതിയ അപ്ഡേറ്റ്: ബി എസ് 6 അനുസൃത വാഗൺ ആർ ലോഞ്ച് ചെയ്തു. CNG വേരിയന്റും ലഭ്യമാണ്. കൂടുതൽ ഇവിടെ വായിക്കാം.  

മാരുതി വാഗൺ ആർ വിലയും വേരിയന്റുകളും: പുതിയ വാഗൺ ആറിന് 4.45 ലക്ഷം മുതൽ 5.94 ലക്ഷം രൂപ വരെയാണ് വില(ഡൽഹി എക്സ് ഷോറൂം വില). മൂന്ന് വേരിയന്റുകളിൽ ലഭ്യം: എൽ,വി,സെഡ്. ഇവ തമ്മിലുള്ള വ്യത്യാസം അറിയാനും വേരിയന്റുകൾ സംബന്ധിച്ച് കൂടുതൽ വിവരങ്ങൾ അറിയാനും ഇത് വായിക്കുക.  

മാരുതി വാഗൺ ആർ എൻജിനുകളും ട്രാൻസ്മിഷനും: വാഗൺ ആർ എത്തുന്നത് രണ്ട് ബി എസ് 6 അനുസൃത എൻജിനുകളിലാണ്: 1.0-ലിറ്റർ പെട്രോൾ എൻജിനും 1.2-ലിറ്റർ യൂണിറ്റും.    1.2-ലിറ്റർ എൻജിൻ നൽകുന്നത് 83PS പവറും 113Nm ടോർക്കുമാണ്. 1.0-ലിറ്റർ 3-സിലിണ്ടർ പെട്രോൾ എൻജിൻ നൽകുന്നത് 68PS/90Nm ശക്തിയാണ്. രണ്ട് എൻജിനുകളും 5-സ്പീഡ്  മാനുവൽ അല്ലെങ്കിൽ AMT ഗിയർ ബോക്സുകളിൽ ലഭ്യമാകും. പുതിയ വാഗൺ ആറിന് CNG വേരിയന്റും ഉണ്ട്.1.0-ലിറ്റർ വേർഷനാണിത്.

മാരുതി വാഗൺ ആർ സുരക്ഷ സംവിധാനങ്ങൾ: സ്റ്റാൻഡേർഡ് സേഫ്റ്റി ഫീച്ചറുകളായ ഡ്രൈവർ എയർ ബാഗുകൾ,എബിഎസ് വിത്ത് ഇബിഡി,ഫ്രണ്ട് സീറ്റ് ബെൽറ്റ് റിമൈൻഡർ,സ്പീഡ് അലേർട്ട് സിസ്റ്റം,റിയർ പാർക്കിംഗ് സെൻസറുകൾ എന്നിവ നൽകിയിട്ടുണ്ട്. കോ-പാസഞ്ചർ എയർ ബാഗ്,ഫ്രണ്ട് സീറ്റ് ബെൽറ്റുകളിൽ പ്രെറ്റെൻഷനെറുകൾ,ലോഡ് ലിമിറ്ററുകൾ എന്നിവ ടോപ് മോഡലായ സെഡ് വേരിയന്റിൽ മാത്രമാണ് നൽകുന്നത്. എൽ,വി വേരിയന്റുകളിൽ ഈ സൗകര്യങ്ങൾ ഓപ്ഷൻ ആയാണ് നൽകുന്നത്. 

മാരുതി വാഗൺ ആർ ഫീച്ചറുകൾ: 7-ഇഞ്ച് ടച്ച് സ്ക്രീൻ ഇൻഫോടെയ്ൻമെൻറ് സിസ്റ്റം(ആൻഡ്രോയിഡ് ഓട്ടോ,ആപ്പിൾ കാർ പ്ലേ സഹിതം),മാനുവൽ എ സി, 4 പവർ വിൻഡോകൾ,ഇലക്ട്രിക്കൽ അഡ്ജസ്റ്റ് ചെയ്യുന്ന മടക്കാവുന്ന ORVM എന്നിവ ഉണ്ട്. റിയർ വാഷർ,വൈപ്പർ,ഡീഫോഗർ.60:40 സ്പ്ലിറ്റ് റിയർ സീറ്റുകൾ,ഫ്രണ്ട് ഫോഗ് ലാമ്പുകൾ എന്നിവയും ഈ ഹാച്ച് ബാക്കിൽ മാരുതി നൽകിയിരിക്കുന്നു. 

മാരുതി വാഗൺ ആറിന്റെ എതിരാളികൾ: ഹ്യുണ്ടായ് സാൻട്രോ,ടാറ്റ ടിയാഗോ,ഡാറ്റ്‌സൺ ഗോ, മാരുതി സുസുകി സെലേറിയോ എന്നിവയാണ് പ്രധാന എതിരാളികൾ.